Pergjigje zotit Dardan Sejdiu!
Te dashur miq, ne nje koment te tij, si reagim ndaj statusit te tim ne FB me titull “Qeveria e Santa Quaranta”, zoti Dardan Sejdiu shkruan:
“Zotri urrejtja gjithmone kthehet ne bazen e origjines. E para e punes juve jeni perfaqesues politike,dhe duhet te faktoni akuza politike dhe jo te merreni me çeshtje te jetes personale te ministrave dhe deputeteve. Verdikte gjyqesore nuk mund te nxjerr, nje deputet opozite apo pozite. Gabimet me te medha behen kur politika shfaq si te mireqena dhe fakte, fjalet dhe veprat imagjinare. Po krijohen hamendës ne kohe moderne , duke bere thashethenjet fakte dhe imagjinare si te vertete te pakontestueshme. Me keto retorika, tejskajshem po kontaminohet ambienti shoqerore e politike!”.
Me kete rast, se pari dua te falenderoj zotin Sejdiu per komentin e tij ne FB tim dhe ta siguroj se une e mirekuptoj si nje te drejte te pamohueshme edhe kujdesin e tij per te bere avokatin e qeveritareve ne pushtet ne Tirane. Por gjithashtu e theksoj se ne statusin e mesiperm nuk ka asgje te bazuar ne urrejtje dhe se asnjera nga akuzat e mesiperme nuk jane bere nga opozita. Prandaj mendoj se ai gabon kur, per ti mbrojtur ata me atribuon mua ato qe une absolutisht nuk i kam thene.
Le ti marrim me radhe problemet e ngritura ne statusin tim.
Muaj me pare mediat greke shkruan se M. Kodheli ka punuar ne vitet ‘90 te si valletare striptease ne klube nate te Athines. Kjo akuze nuk kishte asnje lidhje me opoziten. Per çudine e qytetareve dhe mediave shqiptare, Kodheli ministre, person publik, ne vend qe te pergenjeshtronte publikisht keto shkrime dhe ne rastse ato nuk ishin te verteta te ngrinte padi per shpifje te rende ndaj autoreve te tyre dhe te informonte per kete publikun, ajo reagoi apo u pergjigj habitshem vetem me nje fraze te ish kryeministres se ndjere Thatçer, fraze qe u interpretua gjeresisht edhe nga media te vendit si krejt e pamjaftueshme, madje thjesht si nje gjethe fiku. Fakti qe Kodheli nuk zgjodhi ballafaqimin ne gjykate me autoret e shkrimeve, do apo nuk do te ben te mendosh se ajo nuk perballej dot me ta per shkak te fakteve qe ata mund te disponojne!
Po keshtu Bushati, ministri i jashtem i vendit u akuzua nga media te medha boterore se gjate vizites se tij zyrtare ne Brazil ai frekuentoi nje shtepi publike. Çfaredo qe te thoni ju, kjo nuk eshte nje akuze e imja as dhe e ndonje opozitari tjeter. Perseri une mendoj se ne kete rast kryediplomati i Shqiperise por dhe i cdo vendi, ne rast se nje akuze tille nuk ishte e vertet, detyrimisht duhet te hapte padi penale ndaj autorit te saj. Por ai nuk e ka bere kete ndonese i eshte kerkuar dhe ne parlament. Ai nuk e ka bere kete, jo per te respektuar lirine e mediave por duket nga frika se autori i artikullit do te dorezonte ne gjykate filmin apo dokumenta te tjera te skandalit.
Se fundi zoteri, nuk eshte opozita as dhe une ata qe kane zbuluar ekzistencen e videove te Santa Quaranta me skena erotike te ministrave te kesaj qeverie me dashnoret e tyre.
Per kete skandal, per keto video shqiptaret i ka informuar jo opozita por vet ish ministri i drejtesise i kesaj qeverie, Ylli Manjani, i cili ka disponuar zyrtarisht dosjen Balili. Zoti Manjani, ne harkun kohor 10 ditor deklaroi per se dyti se ai ka pare video te filmuara ne Santa Quaranta me skena erotike te ministrave te kesaj qeverie me te dashurat e tyre. Pas kesaj deklarate te bujshme te ministrit Manjani, e cila duhet pranuar se eshte bere pas shkarkimit te tij, normalisht pritej pergenjeshtrimi dhe hedhja poshte e saj nga qeveria.
Por me gjithe bujen e deklarates perseri habitshem nuk pati asnje reagim, asnje mohim apo pergenjeshtrim nga qeveria apo zedhenesit e saj. Mendoj se qeveria do te donte ti mohonte keto akuza, ose Rama te shfrynte ne nje menyre apo ne nje tjeter kundra tyre, por frika se Manjani mund te paraqese kopjen e videos qe disponon publikut, i mbylli gojen atij dhe qeverise qe s’pushon per asnje çast, 18 ore ne dite per cdo gje!
Heshtja e tyre eshte si te thuash miratim i detyruar i akuzave nga frika e publikimit te videove. Ne ngjashmeri me kete qendrim eshte edhe qendrimi i ministres se arsimit qe nga banore ne nje apartament, u transferua ne pronare te nje vile luksose ne Lunder, te cilen e kam paraqitur me fotot e derguara tek une nga qytetari dixhital. Ministria e akuzuar edhe nga KLSH, si ministri per korrupsion, gjer sot ka heshtur si fije bari per kete çeshtje. Kur kryetari i opozites e denoncoi, pergjigja e saj ishte “voto vetingun”, pra perdori vetingun per gjethe fiku per te justifikuar abuzimet e medha me fondet publike dhe perfundimin e tyre ne vile miliona euro.
Pra siç shihet qeveria shqiptare ka zgjedhur me qellim kodin e heshtjes, dmth kodin e mafies ndaj akuzave te renda dhe konkrete per anetaret e saj. Mirepo me kete rast theksoj, i nderuar zoteri, se personi publik eshte person publik dhe ne çdo rast ai eshte i detyruar e bej transparence per akuzat publike konkrete qe ngrihen ndaj atij apo asaj.
Une gjithashtu mendoj se si shqiptar, pavaresisht nga orientimi politik, duhet t’ju shqetesoj sado pak edhe dinjiteti, reputacioni i institucioneve te shtetit shqiptar dhe akoma me teper fakti trondites se dy tre apo kater ministra aktual jane peng i kryetrafikantit te Ballkanit, Balilit, i cili me videot e hotelit te tij i urdheron dhe ju ben ligjin atyre dhe kjo nuk eshte pa pasoja per vendin.
Se fundi mendoj se me pare se sa te shpallni politike akuzat ndaj zyrtareve te larte te Rilindjes, te cilat vet ata nuk i shpallin dot te tilla, duhet te kujtoheni se ne çdo vend te qyteteruar ka nje kod etik te detyrueshem per t’u respektuar ne jeten publike dhe private te qytetarit zyrtar, i çdo niveli qofte ai. Duke ju falenderuar dhe njehere per komentin tuaj, me respekt.
