Saimir Tahiri ka pretendime për komshinjtë, ja kë zgjedh ai midis Luzlim Bashës dhe Joleza Kokës

Edhe Saimir Tahiri, “ka përqafuar” nismën e Erion Veliajt dhe ka firmosur sot peticionin për zbatimin e Vettingut që gjendet te ura e Bllokut. Nga aty ai ka gjetur rasti për te folur edhe për thirrjet e Lulzim Bashës për dhunë. Në këtë kontekst ai ka pretenduar se ka ironizuar deklaratat e Bashës duke thënë se këtë të fundit nuk do ta pranonte ta kishte komshi, jo më kryetar opozite.
“Nuk i kuptoj deklaratat agresive, arrogante apo qëndrimin fodull të këtij njeriu që personalisht me këto karakteristika nuk do të pranoja ta kisha as komshi, jo kryetar të opozitës”, tha Tahiri.
Me këtë deklaratë, Saimir Tahiri i njeh vetes të zgjedhë edhe komshinj e tij.
Me sa duket, për ministrin e Brendshëm, Joleza Koka, e cila ngryset në darkë me këngën “të bëfsha gjeneratën” dhe nuk mban mend ku gdhihet, është një komshie më e denjë.
“Edhe unë do të kërkoj falje ndoshta që jam akoma me veshjen… Mbrëmë në darkë që kishim një festë në këtë lokalin që po përmendja, kishim dhe Blendi Klosin, ministrin. Sot në mëngjes unë u zgjova te shtëpia e një shoqes sime që është në një pallat me Saimir Tahirin dhe në fakt me ça pashë ishin rojet akoma poshtë, kam dalë pak më herët….Dhe madje një ditë tek Teatri Kombëtar ktheva kokën dhe gjej Kryetarin e Bashkisë (Erion Veliaj) që ishte ulur ngjitur me mua… Ishte një moment që ulet muzika dhe të gjithë të rinjtë njëzëri ja plasin dhe thonë ‘Të bëfsha gjeneratën’, po me ulërimë të madhe”, kujtojmë deklaratën “e sinqertë” të Joleza Kokës, më se një vit më parë.
Saimir Tahiri prezentë në këtë takim ku u lëshua kjo deklaratë, nuk ka kuptuar asgjë. Por në fakt as ata që e ishin pranë tij nuk kuptuan asgjë.
Por kjo nuk e ka penguar Saimir Tahirin që të mos “provokojë” asnjë reagim të mundshëm pas kësaj deklarate, veç një shtrembërimi buzësh… duke qenë dakord për ta pranuar jo vetëm shoqen e Jolezës por edhe vetë Jolezën, si komshi “të denjë”.
DRONI.al