Dështon Komisioni hetimor për CEZ, shkon Alma Hiçka, por jo mazhoranca

Ka dështuar seanca e sotme e Komisionit të CEZ, ku pritej të dëshmonte Avokatja e Shtetit, Alma Hiçka.
Shkak është bërë mungesa e mazhorancës në komision, ndërsa dëshmitarja shkoi në Komision.
Për kryetarin e Komisionit, Edmond Spaho, mazhoranca kishte dhënë garanci për zhvillimin e mbledhjes së të premtes.
“Arsyeja është e qartë, e kemi theksuar edhe herë të tjera pse veprojnë kështu. E dinë fare mirë të gjithë këta, edhe ata që kanë qenë pjesë e kësaj afere që jo më kot e kemi quajtur afera e shekullit. Nuk përgjigjen dot përse i falën ÇEZ-it 345 milionë euro detyrime të njohura me faturë që i ka ndaj KESH, OST dhe Tatimeve shqiptare”, tha ai.