LSI ka shpallur luftën brenda qeverisë por jo me të gjitha ministrat. Ka vecuar vetëm një, atë që e ka pasur në shënjestër që nga skandali Doshi-Frroku-Bami, ministrin e Brendshëm Saimir Tahiri.
Kryetari i grupit parlamentar, Petrit Vasili ka mbajtur një mbledhje sot me deputetët e vet duke iu kërkuar të kenë kujdes makinat pasi policia mund t’ju fusë drogë.
Mosbesimi brenda qeverisë është në pikat më të larta cfarë u konfirmua edhe nga ministri Lefter Koka. Ai tha se policia në Durrës është një organizatë kriminale ndërsa dha detaje për aeroportin e hashashit në Durrës. “Nuk i dhanë qeranë për aeroportin të zotit të tokës, ai hapi një vijë në mes të tij dhe avioni ngeci. Nuk ngeci në rrugën e parë por kush e di sa herë e kishte bërë atë rrugë”, tha Koka.
Paradite ministri i Drejtësisë po ashtu reoplikoi ashpër me socialistët për një draft ligjesh që lidhen me antikorrupsionin. Vetë Meta u tregua i paduruar kur një deputete e PS, Vasilika Hysi akuzoi për përjashtim nga shorti për KED të disa magjistratëve.
Mbledhja e deputetëve është zhvilluar në rrethana alarmi, citon panorama, burime të vetat nga LSI.
“Mbledhja urgjente është thirrur nga kreu i grupit të LSI-së Petrit Vasili, i cili i referohet informacioneve të ardhura nga shërbimet sekrete të huaja, ndërsa paralajmëron këta të fundit që të kenë kujdes nga policia, pasi mund të vendosnin drogë në makinat e tyre, me qëllim që të arrestohen më pas si trafikantë”, shkruan gazeta.
Në mesditë ministri i Brendshëm, Saimir Tahiri replikoi lidhur me letrën që kreu i të Kuvendit Ilir Meta i drejtoi Presidentit Bujar Nishani për mbledhjen e Këshillit të Sigurisë për shkak të mosarrestimit të Klement Balilit.
Ministri Tahiri e quajti të çuditshme këtë kërkesë duke shtuar se nuk u bë kjo gjë kur ishte situata e Lazaratit.
Ministri Lefter Koka kërkoi në mbrëmje daljen e LSI nga koalicioni.
Ndërkaq vlerësohet se porosia e Vasilit mund të përmbajë disa deputetë të LSI që të reduktojnë kontaktet me persona të padëshirueshëm. Edhe Tahiri do të sulmojë në pikën e tyre më të dobët, prandaj pastrimi i makinave është një masë sigurie paraprake.
