Kavajë, gjendet një trup i pajetë i mbytur në det

Një i moshuar është gjetur mëngjesin e sotme, rreth orës 08:50, në Golem te Mali i Robit, në bregun e detit. Sipas burimeve të policisë bëhet më dijë, se viktima është një mashkull i moshës 70 vjeç.
Nga hetimet paraprake, dyshohet se i moshuari është mbytur dhe dallgët e detit kanë bërë të mundur nxjerrjen e trupit në breg. Nuk konstatohen shenja dhune.
Në vendin e ngjarjes ndodhet grupi hetimor, i cili po punon për të mësuar shkaqet.