Gazeta “Blic”, Nikolicit: President, ju shkoni në luftë, ne na lini të qetë

Ndërsa presidenti serb Tomisllav Nikoliç kërcënoi se është i gatshëm te dërgoje trupa ne Kosove, nëse preken serbet, Rusia, aleatja e Serbisë ka reaguar përmes ministrit te Jashtëm, Sergei Lavrov. Ai ka kërkuar qe forcat shqiptare te mos jene te pranishme ne zonat me popullsi serbe ne veri te Kosovës. Lavrov ka theksuar gjithashtu se nuk duhet qe ne rajonin e Ballkanit te ndodhe nje tjetër konflikt i armatosur. Duke pranuar përshkallëzim dramatik te tensioneve mes dy vendeve, Lavrov kërkoi qe BE te ndërhyje per te qetësuar situatën. Nikoliç po përballet me reagime te ashpra edhe brenda Serbisë per shkak te deklaratës se tij, qe ka përçare serbet. Mediat pro kryeministrit Vuçiç e kane sulmuar atë, duke e cilësuar madje edhe si luftënxitës. “President, ju shkoni në luftë, ne na lini të qetë. A nuk kanë vdekur mjaft, njerëz, a nuk janë shpërngulur mjaft” ishte nje shkrim ne gazetën e njohur “Blic”. Megjithatë, ai serish ka provokuar, duke deklaruar per mediat se nëse do te ishte e nevojshme, do te shkonte ne lufte ne Kosove me djemtë e tij. Tensionet mes Serbisë dhe Kosovës u shkaktuan pasi autoritetet e Prishtinës nuk lejuan hyrjen ne territorin kosovar te nje treni, ne te cilin shkruhej “Kosova është Serbi”, nje provokim qe solli reagimin e forte te Nikoliç.