E ka premtuar muajt e fundit në të gjitha takimet, kryetari i opozitës Lulzim Basha por dëgjuesi më i mirë i tij i bie të jetë Kryeministri Edi Rama i cili pjesërisht e ka realizuar premtimin e shefit të opozitës.
Kryeministri Rama i ka kërkuar mirëkuptim të varfërve për pamundësinë e tyre ekonomike ndërkohë që ka përmendur se shpërblimet për vitin e ri nuk janë të mjaftueshem por shumë më mirë se në të kaluarën.
Pas katër viteve në qeverisje, Rama është hera e parë që shpërndan shpërblime për fundvitin.
Në përmbledhjen e tij javore ai ka folur për masën e faljes së kamatvonesave. Ato do të bëhen efektive për 66 mijë pensionistët dhe personat me ndihmë ekonomike të cilët në vend të kamatvonesave do të pagujanë vetëm 20 lekë të reja.
Për 54 mijë konsumatorët të tjerë, kryesisht punonjës të administratës publike kamatvonesat do të reduktohen me 80 për qind.
Të paktën 6 persona vranë veten përgjatë presionit që ushtroi qeveria për pagesën e faturave të prapambetura të energjisë elektrike në të gjithë vendin. Ata ishin kryefamiljarë që nuk kishin asnjë mundësi finnaciare. Një prje tyre vdiq në burg për 32 mijë lekë. Rreth 100 mijë të tjerë ia mësynë azilit në Gjermani dhe vendet perëndimore nga pamundësia për të paguar energjinë dhe për të përdorur atë për aktivitete të përditshme si ndricimi, për frigorifer dhe nevojën e fëmijëve për të mësuar me një dritë normale.
