FOTO GALERI/ Ja taksia e grabitur që i kushtoi jetën pronarit të saj

Një ngjarje e rëndë ka ndodhur në Kavajë. Policia ka gjetur trupin e pa jetë të taksistit Idriz Kariqi, i cili u denoncua në datën 14 dhjetor nga familjarët si i zhdukur. Taksistit i është prerë fyti me thikë.
Sipas policisë trupi i pajetë i 65-vjeçarit është gjetur mbrëmjen e ditës së enjte, rreth orës 22:00 në fshatin Greth të njësisë administrative Kryevidh, anë të rrugës në disa shkurre.
Në 14 dhjetor Musa Saraçi, 24 vjeç, autori i dyshuar i kësaj ngjarje e kishte prenotuar 65-vjeçarin si taksist. Kjo gjë ka ndodhur rreth orës 9: 00, në vendin e quajtur sheshi para spitalit Kavajë . Pas kësaj ore Idriz Kariqi është “zhdukur”, duke detyruar familjarët të njoftojnë policinë.
Nga hetimet paraprake dyshohet se 24-vjeçari në ecje e sipër i ka prerë fytin me thikë dhe më pas i ka marrë lekët dhe automjetin dhe është larguar.
Policia ka gjetur dhe automjetin e viktimës, një “Benz 250”, me targa KJ 6844 A, me portabagazh dhe ngjyrë të bardhë.