Ministri i Brendshëm Saimir Tahiri, e ka cilësuar kambane alarmi lirimin nga burgu te ish-kreut te bandës së Durrësit Lulzim Berisha, sot gjatë një deklarate për shtyp.
Duke qëndruar në të njëjtën linjë me deklaratën e ambasadorit të Shteteve të Bashkuara i cili deklaroi se lirimi i Lul Berishës ishte i papranueshëm, ministri Saimir Tahiri, tha se vendime të tilla dekurajojnë policinë.
Në fakt Lulzim Berisha u lirua nga burgu vetëm 6 muaj pasi e njëjta gjykatë e kishte refuzuar lirimin e tij.
Duket qartë se mbi treshen e gjyqtarëve që ka dhënë vendimin për lirimin me kusht të emrit të njohur të krimit në Durrës ka pasë presion. Në kushte normale ata gjyqtarë nuk do të kishin marrë këtë vendim.
Cështja është të mësohet se nga erdhi ky presion. Ministri Tahiri si i ministër i Brendshëm dhe që ka mjaft informacion mund ta dijë. Ose të paktën mund të ndihmohet edhe nga zyrtarë të lartë të Durrësit, sic është kryetari i Bashkisë, Vangjush Dako.
Po sot zyrtari i larte i opozites Enkeleid Alibeaj tha se pas lirimit te Berishes eshte Edi Rama. Kjo shton edhe me tej bindjen se roli I Dakos eshte I madh ne kete aksion lirimi. Vete Dako ne fakt ka patur problem me nje bande tjeter te rrezikshme qe e ka kryer nje pjese te veprimtarise ne Durres duke u perfshire edhe ne biznese ndertimi dhe pasurive te paluajtshme.
Në përvjetorin e 70 të krijimit të policisë rrugore Tahiri paralajmëroi se nga 1 janari i vitit 2017 do të nisë dhe aplikimi i gjobës progresive. Sipas projektit do të penalizohen më shumë ata qe kanë rekorde të larta shkeljesh rrugore dhe në minimumin e parashikuar nga ligji ata që respektojnë rregullat. Krahas gjobave progresive, Policia Rrugore pritet të nisë dhe fushatën për mospërdorimin e celularit gjatë drejtimit të automjetit. Ndryshime që pritet të kalojnë në qeveri parashikojnë gjobë deri në 15 mijë lekë dhe heqje të patentës.
