Berisha: Ka ndodhur që persona me probleme psikike të hipin në poste të larta, por këta nuk njohin keqardhje dhe pendesë

Ish-kryeministri Sali Berisha ka replikuar në seancën e sotme plenare me ministrin e Jashtëm Ditmir Bushati.
Sipas Berishës, të jetë për Ramën e Bushatin, Shqipëria është “fanar ndriçues”.
Duke ju rikthyer mos hapjes së negociatave nga BE, Berisha e vuri theksin te shkelmimi i konsensusit nga kryeministri, për miratimin e shtatë ligjeve të reformës në drejtësi.
Për Berishën, Kjo është shprehje e karakterit të Edi Ramës. Ka ndodhur edhe në vende të tjera, që persona me probleme psikike të hipin në poste të larta. Por këta nuk njohin keqardhje dhe pendesë”.
“Të jetë për këta, Edi Ramën e Ditmir Bushati, Shqipëria është ‘fanar ndriçues’.
Por raporti i BE është si drita e diellit.
Por në rast se raporti nxjerr si prioritet të parë Vettingun, nuk mohon asnjë nga kriteret e tjera.
Angela Merkel i tha, janë edhe 5 prioritete dhe zgjedhjet.
Më kanë informuar diplomatët, se ekziston marrëveshja që Edi Rama, se ekziston marrëveshja për votimin me konsensus të shtatë ligjeve të reformës në drejtësi. Por Edi Rama e shkeli marrëveshjen, sepse donte kapjen e drejtësisë. Atë që nuk e bëri dot me Kushtetutë, ta bëjë me ligjet e tjera. Negociatat nuk hapen sepse Edi Rama varrosi konsensusin. Por konsensusi është garancia më e madhe për realizimin e kësaj reforme. Nuk u caktua data e hapjes së negociatave, se nuk besojnë Edi Ramën. Nuk ta japin ty këtë si paradhënie. Brukseli është një kopsht me 27 çelësa. Duhet ti bindësh të gjithë çelës-mbajtësit. Mjaftojnë 2 – 3 për të të bllokuar. Në këto 26 vjet, nuk ka pasur ministër të jashtëm e kryeministër më të dështuar se ju (Bushati e Rama).
Marrëdhëniet me Kosovën nuk kanë qenë asnjëherë kështu, kaq të përçara, sepse Edi Rama tentoi të shpallej lideri i gjithë shqiptarëve. Ju qofshi kur arritët të fusni pyka edhe në marrëdhëniet me Kosovën.
Kjo është shprehje e karakterit të Edi Ramës. Ka ndodhur edhe në vende të tjera, që persona me probleme psikike të hipin në poste të larta. Por këta nuk njohin keqardhje dhe pendesë”, u shpreh Berisha.