Lidhur me vrasjen e parukieres Etleva Ndoka, disa ditë më parë në Lezhë, ka folur sot edhe bashkëshorti i saj, Bardhoku.
Për emisionin “Me zemër ët hapur” në TV “News 24”, ai ka treguar si e mori vesh ngjarjen, ndërsa ka bërë të ditur se nuk ka pasur dijeni, për përndjekjen që vrasësi, i bënte bashkëshortes së tij.
Më tej ai ka rrëfyer se si ka qenë martesa e tyre dhe se si e kishin ngritur parukerinë…
Si është djali?
Djali arrin ta kuptojë pak, rri e dëgjon se çfarë flasim ne.
Dëshmitarja tha se ai i tha “përse ke bërë kallëzim në polici”, ju ishit në dijeni?
Gjithë këtë ngjarje deri sa ajo ka vdekur nuk di asgjë, atë ditë kam qenë me punë, më thanë e ke nusen pa terezi dhe e ke në spital.
Nuk e dini që ai e përndiqte?
Jo nuk kam ditur asgjë.
E keni parë të shqetësuar?
E shihja ndonjëherë të shqetësuar, e pyesja, po më thoshte me dhëmb koka, kurrgjë, por nuk më ka thënë asnjë gjë, nuk jam në dijeni për asgjë.
Si ka qenë martesa juaj?
Martesa jonë, asnjë grindje, asgjë, shumë e mirë, nuk kam pas asnjë shqetësim, gjithçka ka qenë normale, nuk di se si ndodhi kjo.
Si e ngriti parukerinë?
E la një parukiere tjetër e kemi bërë gjithçka vetë, për gjithçka kemi folur për këtë, me shumë halle.
Doni të dini pse e vrau gruan tuaj?
Jo, jo, jo
Nuk keni asnjë mesazh për ekzekutimin?
Nuk dua asgjë, fare fare.
