Kryeministri Edi Rama ndodhet për një vizitë në Peqin, ku po zhvillon një takim me fermerë të zonës.
Nga banorët e zonës ka pasura ankesa për mungesën e tregjeve për shitjen e produkteve bujqësore, probleme pronësore, infrastrukturore etj.
Ndërsa një vajzë mori fjalën për tu ankuar për mungesën e një vendi pune.
“Zoti kryeministër unë kam një hall tjetër, pasi nuk kam tokë, por kam nevojë për një vend pune. Kam mbaruar shkollën e lartë për infermiere, me mesatare 8.5 dhe masterin me mesatare 9.2, kam licencën e shtetit, kam 2 vite që bëj kërkesë për punë dhe askush nuk më ka hapur dyert.
Kam shkuar shpesh herë në drejtorinë e Elbasanit dhe këtu në Peqin por askush nuk më jep një përgjigje. Ju kam shkruar edhe juve letra, por sërish pa përgjigje”, tha vajza.
Ndërsa në përgjigje të saj Rama tha: Duhet ta dish që nuk je e vetmja që kërkon një vend pune dhe nuk është e thjeshtë tju punësosh të gjithëve.
Vajza mori sërish mikrofonin për t’i thënë Ramës: Ju keni thënë që do i ndihmoni studentët e mirë, pro nuk keni bërë asgjë.
Ndërsa Rama në këtë moment përgjigjet: Të lutem shumë, të dëgjova, kaloje mikrofonin se nuk kam ndërmend të debatoj me ty. Ta dëgjova hallin.express
