Shqiptarët në përgjithësi në SHBA kanë votuar Hillary Clinton për shkak të historisë së saj me shqiptarët, por mes tyre janë me mijëra ata që u rreshtuan pro Trump duke i dalë në krah kur sulmohej prej të gjithëve.
Një ndër reagimet e para të Trump për të ndalur sulmet lidhej me citimin që ai i bëri mesazhit që një shqiptare kishte shpërndarë në tëitter pas sulmit të ashpër që kreu ndaj Trump revista National Revieë.
Lisa Milicaj është vajzë e dy emigrantëve nga Kosova dhe ka shërbyer si këshilltare bashkiake në Pleasant Valley të New Yorkut.
Ajo është cituar nga kandidati për president të SHBA-ve, Donald Trump në rrjetin social Twitter.
Trump citonte një status të saj në Twitter ku ajo shkruante mbi mbështetjen që i jep Trumpit, pavarësisht prej kritikave nga National Review”, revistës së njohur konservatore Amerikane, e cila i ka paralajmëruar Republikanët të mos gënjehen prej retorikës së manjatit të pronave të patundshme nga New York-u.
Lisa Milicaj ishte një nga mbështetëset që reagoi në favor të kandidatit Trump.
“Të them të drejtë nuk kisha dëgjuar kurrë për ‘National Review’ derisa ‘u përpoqën’ të deklarojnë luftë kundër jush. Por s’ka, problem, ju tashmë e keni votën time”, ka shkruar ajo në Twitter, mesazhin që është ripërsëritur fjalë për fjalë nga Trump.
Por një tjetër shqiptar i njohur nga amerikanët por për keq është shitësi i ilaçeve për sëmundjen e SIDA, Martin Shkreli. Edhe ky i fundit doli në krah të Trump
Ai fillimisht ishte mbështetës i Hillary Clinton, por pas deklaratave të ashpra të saj që e paraqitën atë si një simbol të abuzimeve të një industrie farmaceutike të dalë jashtë kontrollit, ai zhvendosi mbështetjen e tij te Bernie Sanders, duke i dërguar publikisht një çek, prej 2,500 dollarësh.
Më vonë fushata e senatorit deklaroi se e kishte refuzuar çekun dhe ia kishte përcjellë një fondacioni bamirës.
Pas kësaj, Shkreli filloi zhvendosjen te Republikanët, duke përfunduar në një mbështetje të hapur për Donald Trump.
Për hir të të vërtetës, Donald Trump e ka quajtur Martin Shkrelin “një birbo të përkëdhelur”, kur plasi skandali i ilaçit Daraprim, shkruante ato Illyria.
Shkreli ka maninë t’u përgjigjet një për një atyre që e kritikojnë apo ofendojnë dhe armiqtë e Donald Trump thonë se ai në fakt vepron si një “Trump i vogël”.
Një nga përgjigjet e Shkrelit për komentuesit e tij ishte: “Do të ndryshosh kur të bëhem Mbreti i Shqipërisë dhe të marr median nën kontroll…”
