Policia e Fierit bëri të mundur arrestimin e një 21 vjeçar pasi akuzohet se i ka vjedhur me dhunë varësen e floririt nga qafa një 34 vjeçareje.
Ngjarja ka ndodhur më 9 tetor të këtij vitit, por ndalimi i Keidi Myrdarasit nga policia është bërë mëngjesin e sotëm. Sipas njoftimit të policisë, Myrdarasit, në lagjen “8 Shkurti” të qytetit të Fierit i ka vjedhur me dhunë varësen e floririt 34- vjeçare me iniciale E.B. banuese në lagjen “1 Maji” në Patos. “Specialistët për Hetimin e Krimeve në Komisariatin e Policisë Fier, ndaluan shtetasin: Keidi Myrdarasi, 21 vjeç, banues në lagjen “1 Maji” Patos.
Ndalimi i këtij shtetasi u bë pasi më datë 09.10.2016 në lagjen “8 Shkurti” Fier, i ka vjedhur me dhunë varsen e floririt nga qafa shtetases E.B, 34 vjeçe, banuese në lagjen “1 Maji” Patos. (Neni 134 i Kodit Penal)”, njofton policia.
