Sërish janë ndjerë lëkundjet e tërmetit në Italinë Qëndrore. Kësaj here, tërmti 4.8 ballë e kishte epiqendrën në Macerata, raporton TG.com Lëkundjet e tërmetit kanë tronditur zonat Marche dhe Umbria. Tërmeti ka shkaktuar kaos duke bërë që njerëzit të dalin në rrugë. Mediat italiane raportojnë se brenda 1 ore kanë rënë edhe tre tërmete të tjera 3.6 ballë. Grupi i Mbrojtjes Civile po verifikon për dëmet e fundit.
Ky ishte tërmeti i 5 i fuqishëmqë goditi zonën në harkun kohor të tre muajve. Tërmeti me magnitudë 6.6 ballë i shkallës Rihter, që konsiderohet më i forti që prej vitit 1980,goditi në afërsi të rajonit ku mbetën të vdekur 300 persona gjatë tërmetit të regjistruar në muajin gusht. Mijëra njerëz në pjesën qendrore të Italisë kanë kaluar natën në makina, tenda dhe strehimore të përkohshme.
Mbi 2000 përllogaritet numri i banorëve të mbetur pa strehë. Zyra e mbrojtjes civile informon se numri i të pastrehëve pritet të shkojë tek 100 mijë persona. Mjaft rrugë janë mbyllur për shkak të shembjes së dheut, çarjes në thellësi e përmbytjes nga dalja e ujit të lumenjve në këtë zonë.
