Pas vdekjes së 17-vjeçarit Ardit Gjoklaj në Landfillin e Sharrës, Gjykata e Apelit ka lënë në burg Dëfrim Hakramën. Ky i fundit ishte përgjegjës i turnit të natës në këtë landfill ku u gjet trupi i pajetë i adoleshentit.
Ardit Gjoklaj, u gjet i vdekur të dielën e 7 Gushtit, në vendin e grumbullimit të plehrave në Sharrë, me dëmtime të shumta në kokë, trup dhe gjymtyrë. Familjarët e tij kërkuan zbardhjen e ngjarjes, duke pretenduar se djali ishte vrarë dhe trupi ishte fshehur për më shumë se 10 orë. Lidhur me këtë ngjarje undaluan 4 persona; Besnik Braha, përgjegjës i firmës 3K, Edmond Kollari, drejtues eskavatori, Dëfrim Hakrama, përgjegjës turni dhepërgjegjësi i punonjësve, Bujar Daja.
