Vajza e një multimilioneri rus, e famshme për stilin e saj të jetesës dhe fiksimin pas garave të shpejtësisë, ka postuar së fundmi një video, ku ecte me një shpejtësi tej normave të lejuara. Ajo është një femër e pasionuar pas makinave dhe jetës së luksit, po aq sa edhe thyerjes së ligjit.
Një vit pasi Mara Bagdasaryan u përfshi në një aksident me 200 km/h në orë, ku i vdiq një shok, ajo postoi një video duke bërë një tjetër çmenduri në Moskë.
23-vjeçarja ka marrë deri tani 342 gjoba, por ia ka paguar babai për 15 mijë euro, ndërsa para disa ditësh, ajo postoi një video duke ecur me shpejtësi në qendër të Moskës, madje duke përdorur edhe korsin e rezervuar për Putinin.
Pavarësisht vdekjes së shokut të saj dhe gjobave të shumta që ka marrë, pasanikja ruse nuk shqetësohet, pasi për të këto janë vogëlsira.
