SHKAKU & FOTO/ Krujë, asfiksohen 4 nxënëse në shkollën e Bilajt

Image GalleryDrejtoria Vendore e Policisë së Durrësit ka bërë të ditur se sot, në shkollën 9-vjeçare, në Bilaj, Krujë, 4 nxënëse të seksit femër, rreth 13 – 14 vjeçe në momentin që janë futur në klasë, pas mbarimit të pushimit të madh kanë pasur vështirësi në rrugët e frymëmarrjes.
Menjëherë ato janë dërguar në Spitalin Rajonal, të cilat kanë marrë ndihmën mjekësore dhe ndodhen jashtë rrezikut për jetën.
Nga ana e efektivave të Policisë janë pyetur drejtori dhe mësuesit, të cilët kanë pohuar se në oborrin e shkollës, rreth 20 m larg  klasës janë djegur mbeturina dhe tymi i tyre është futur në klasë pasi dritarja ka qenë e hapur.
Policia ndodhet në vendngjarje, të cilët po punojnë për zbardhjen e plotë të saj.