Dy të rinj shqiptarë dhe dy grekë (mes tyre një vajzë) u arrestuan nga policia e shtetit fqinj në Janinë. Policia greke sekuestroi 130 kilogramë kanabis që transportohej nga dy shqiptarë 17 dhe 22 vjeç si dhe dy grekë, një djalë 20 vjeç dhe një vajzë 17-vjeçare.
Katër adoleshentët po përdornin një makinë të vjedhur për të transportuar lëndën narkotike. Ky lajm është raportuar nga mediat greke. Sipas mediave të shtetit Helen, trafikantët u diktuan pasi autoritetet doganore vunë re lëvizje të dyshimta dhe ndaluan automjetin, ku dhe gjetën drogën të ndarë në disa qese.
