Kandidati republikan për Shtëpinë e Bardhë, Donald Trump kërkoi publikisht që të dy kandidatët presidencialë t’i nënshtrohen testve të drogës para debatit të rradhës. Gjatë një aktiviteti të fushatës së tij në Neë Hampshire, Trump tha se Clinton kishte shfaqur një energji të madhe në fillim të debatit, por në fund të tij mezi mbërriti deri te makina e saj.
“Ne duhet që të bëjmë një test për drogë.”
Trump gjithashtu shtoi se gara presidenciale dukej në këtë pikë si zgjedhje të manipuluara. Komentet e Trump dhe sulmet ndaj rivales Clinton vijnë në një kohë kur Trump ka humbur terren, jo vetëm mes votuesve por edhe mes anëtarëve të partisë që ai përfaqëson. Sipas analistëve, fyerjet e tij ndaj Clinton duket se e ndihmojnë Trump të largojë vëmendjen nga publikimi i një videoje, ku kandidati republikan ofendon femrat.
