Pranvera quhet partnerja më e re e analistit Henri Çili. Kjo dashuri e re për të duket se e plotëson, por nga ana tjetër, ai e ka mohuar në mënyrë kategorike se në një të ardhme ai do të martohet.
Mesa duket, institucioni i martesës nuk është në planet e tij të afërta, por as edhe të largëta. I ftuar në emisionin “Oktapod” të moderatorit Turjan Hyska, Henri Çili pranoi publikisht lidhjen e tij të re me një nga pedagoget e Universitetit Europian të Tiranës, institucion i themeluar nga vetë ai.
“Po, në këtë moment jam në një lidhje të re, por unë jam personazh aq i mërzitshëm, saqë këto tema nuk kanë asnjë interes”, u shpreh ai me humor.
I pyetur nëse kishte ndërmend të martohej, Çili tha me tej: “Asnjëherë!”. Ai pohoi se do të kishte lidhje, por nuk do të martohej sepse gjithçka që ka martesa, mund të realizohej edhe në një lidhje. “Është një vajzë shumë e mirë”, u shpreh ai.
