Historitë e çuditshme në vendin tonë nuk kanë të sosur.
E tillë është edhe ajo që Fatmir Gashi ka vendosur ta bëjë publike përmes emisionit investigativ “STOP”.
Babai i tij, Muharrem Gashi, ka ndërruar jetë që në 2009, por ai thotë se ende sot e kësaj dite emri i tij vijon të lakohet në Gjykatën e Krujës.
Për mikrofonin e “STOP”, Fatmiri tregon se gjyqtarja Marçela Shehu e thërret që nga viti 2014 në gjyq për një çështje pronësie, ndonëse kjo e fundit është vënë në dijeni të faktit se babai i tij nuk jeton më që prej vitit 2009.
Çfarë problemi keni , pse jeni drejtuar tek emisioni “STOP”?
I jam drejtuar emisionit “STOP” , për të vetmen arsye se këtu në gjykatë nuk gjejmë rrugëzgjidhje. Im atë ka vdekur që 7 vjet, po bën 8, ka vdekur në 21 Dhjetor 2009 dhe që në 2014 thirret në seancë gjyqësore, i padituri Muharrem Gashi, ai ka vdekur.
Po për çfarë thirret këtu?
Thirret sepse thonë për një saktësim kufijsh. Saktësimin e kufijve mund t’ia bëjnë veç tek varrezat.
Domethënë ato thonë që të çohet Muharremi nga varri?
Po të çohet Muharremi nga varri që të vijë në gjykatë që t’i caktojmë kufijtë mes njëri-tjetrit me palën paditëse.
Po ju ke thënë këtyre që Muharremi ka vdekur?
Ua kam thënë edhe këtyre po vazhdon akoma e thirrin emrin e tij, Muharrem Gashi, akoma akoma, dhe në seancën tjetër i kam thënë zotit gjyqtar mos ma thirrni më këtë emër sepse ai është i vdekur. I ndjeri nuk e lënë as në varr të pushojë rehat.
Po kush është gjyqtarja që e gjykon këtë çështje?
Gjyqtarja na vjen nga Laçi është Marçela Shehu.
Pse se keni çuar te varrezat t’ia tregosh varrin e Muharremit?
Ja kam lënë edhe fotografitë në mos gaboj sipër tavolinës, fotografitë me varrin e të ndjerit.
Stafi i emisionit udhëtoi drejt varrezave, aty ku prehej edhe trupi i Muharrem Gashit.
“I ndjeri im atë vijon ta thirrin akoma në Gjykatën e Krujës si i padituri për çështje pronësie dhe çështje kufiri. Për me i saktësu kufijt vetëm këtu tek varret ka ngelur për me i saktësu”.
“Or babë, pse nuk erdhe sot në Krujë o burrë, na le duke prit një turrë rob atje, me gjyqtarë e me krejt, duke të prit o burrë i fortë. Veç duke flejt gjumë ke ngel or babë. Çohu or babë çohu!”.
“Fletëthirrja vazhdon dhe e thirrin akoma që në 2014 dhe deri sot Muharrem Gashin të paraqitet në gjykatë, por ky i shkreti nuk është paraqit asnjëherë”. /TVKlan.al/
Për të ndjekur këtë video, klikoni këtu …
https://youtu.be/_WPK5ArzLYs
