Një ndër zyrtarët e lartë të PD-së komentoi sot me ironi deklaratën e Kryeministrit Edi Rama në rrugën Qafë Pllocë teksa tha se projektet që bëri qeveria e PD-së ishin pengesë se pse nuk ishte bërë asnjë rrugë deri tani.
Fatbardh Kadilli tha se Kryeministri e gjeti justifikimin se pse nuk ka ndërtuar rrugët. “E paskan pasur fajin defektet ne projektim, sidomos ajo puna e “disniveleve”. Ja pra, kjo eshte arsyeja pse nuk po ndertohet asgje e re rilinidiste, pse nuk ndertohet dhe vonohet rruga Qukes-Plloce, pse nuk perfundojne dot 10 km te autostrades Tirane – Elbasan. Projektet qe nisen demokratet ishin me sabotim. Njesoj si projektet qe lane ne mes armiqte, italian, gjermane, ruse e sidomos ata kineze”, replikon Kadilli.
“Pas me shume se tre vjeteve ne pushtet jo vetem qe nuk ka ideuar asnje projekt serioz, por nuk mbyll dot as punet qe gjeti te nisura. U shfaq sot duke intepretuar njeriun e befasuar nga problemi i kuotave dhe disniveleve. Me vrafshin nese e di ai se cfare flet”, komentoi sekretari i Burimeve Njerëzore në PD.
