Jeta në Tokë është shfaqur shumë më parë nga se mendohej

Shfaqja e jetës në Tokë, një nga misteret e mëdha të shkencës, përkojnë shumë më para nga se mendohej, sipas studiuesve që kanë zbuluar fosile që të lënë të mendosh se ka të paktën 3,7 miliardë vite.
“Ky zbulim përbën një zbulim reference, në kërkim të gjurmëve të para të jetës në Tokë”, deklaroi në një komunikatë, Martin Julian Van Kranendonk, ekspert në gjeologji i Universitetit të Uellsit të Ri të Jugut dhe bashkautor i një studimi të publikuar në revistën britanike “Nature”.
Ky zbulim e shtyn akrepin me 220 milion vite në raport me gjurmët më antike të jetës, duke treguar se organizmat kanë ekzistuar në një epokë kur Toka ishte krejt e re.
“Të quajtura ‘stromatolites’, ky zbulim tregon se jeta ëshhtë shfaqur rreth 800 milionë vite pas krijimit të Tokës, ndërkohë që vetë Toka ka 4,5 miliardë vite, sipas Allen Nutman i Universitetit australian Wollongong, autori kryesor i këtij studimi.
Këto “stromatolites”, gurë karbonati në formë lulelakre, formohen kur mikro-organizma, si disa lloj bakteresh, ngecin në shtresa sedimentesh.
Këto shtresa me kalimin e shekujve shndërrohen në gurrë, duke mbrojtur fosilin nga dëmtimet e kohës.