VIDEO/ Mosbindje civile në Vlorë, qytetarët heqin bllokueset e gomave

Aleanca Qytetare për anulimin e Koncesioneve dhe parkimeve me pagesë, protestuan serish sot në Vlorë. Në kuadër të kësaj proteste, qytetarët heqin bllokueset e gomave.
Përfaqësuesit e kësaj aleance lexuan një deklaratë ku kundërshtohet parkimi me pagesë në këtë qytet. Madje ata akuzojnë kompaninë në Vlorë se po sillet me arrogancë, po ndëshkon e po bllokon lëvizjen normale në qytet. Sipas Aleancës ka paqartësi në faktin se kushtet e përfitimit janë totalisht në shërbim të kompanisë dhe jo qytetit, ndërkohe si shkak i politikave jo normale të ndjekur prej saj, po largohen pushuesit.
Sot ka qenë dita e dytë e mosbindjes civile në Vlorë kundër parkimeve me pagesë ndaj kompanisë private që ka marrë këtë shërbim me koncesion.