Vizitat gjinekologjike në Tiranë kanë konfirmuar dëshminë e 15 vjecares nga Dibra e cila dhunua nga i ati i saj dy ditë më parë. Ka pasur marrëdhënie seksuale me dhunë. Ky është përfundimi i ekspertizës cfarë bën që Guri Përgjegji të mbetet në burg për shumë vite.
Përdhuniesi Përgjegji e kishte mohuar aktin seksual me të bijën duke aluduar se ajo po bashkëpunon me kunatën për ta futur në burg.
“Zakonisht, furgoni ndalon në rrugën që lidh Kastriotin me fshatin tonë. Babai i tha shoferit ta ndalonte mjetin diku tjetër, në një vend ku ne nuk ndalonim asnjëherë. Sapo zbritëm, i thashë babait se na ke ndaluar keq. Ai tha ec se e di unë këtë punë. Sapo u futëm në pyll babai me futi duart në fyt, më rrëzoi përtokë, më hoqi rrobat dhe më përdhunoi. Bërtita sa fuqi kisha, por nuk më dëgjoi njeri”, janë fjalët prekëse të vajzës së përdhunuar nga babai i saj gjatë dëshmisë e cila është zbardhur sot nga Panorama.
Ditën e përdhunimit ajo ka udhëtuar me të atin në Peshkopi ku kanë blerë ushqime e sende të tjera për shtëpinë. Në kthim kanë udhëtuar me fugon por i ati i ka kërkuar shoferit të ndalojë në një vend larg rrugicës që conte për në shtëpi.
Vajza i tha grupit hetimor, në prani të psikologes dhe prokurorit të çështjes, se ishte e disata herë që babai e ngacmonte seksualisht, duke e prekur në vende intime dhe se e fyente rëndë, madje dhe në prani të personave të tjerë.
Vajza mbeti jetime para tetë vitesh pasi nëna e saj biologjike ndërroi jetë në një aksident automobilistik. E. Përgjegji tani është marrë në mbrojtje që në fillim nga xhaxhai i saj dhe njerka, e cila ka bashkëpunuar me Policinë dhe ka treguar episode të tjera të ngacmimeve seksuale të babait monstër.
Nderkaq vajza e perdhunuar eshte kthyer ne Diber dhe po mabhet nen vexhgim nga psikologet.
