HISTORIA/ Minoreni shqiptar braktiset nga nëna në Itali

Një histori prekëse mes një nëne dhe një djali shqiptar është publikuar në mediat italiane. Mediat  shkruajnë se nëna ka braktisur djalin, ndërsa ky i fundit  u paraqit në stacionin policor në Treviso i lagur nga shiu.
“Këtë po e bëj jo se nuk të dua, por sepse të paktën ti ke një të ardhme”, kanë qenë fjalët e nënës së dëshpëruar për djalin e saj adoleshent përpara braktisjes.
Mediat nuk bëjnë të ditur identitetin e nënës dhe të djalit të saj, por ato raportojnë për një përpjekje të policisë për të gjetur familjen e adoleshentit, por pa sukses.
Të dy, nënë e bir udhëtuan nga Shqipëria për në Itali në 7 gusht me anije. Nena ka filluar të pyesë për stacionin e autobusit për në Treviso.
Më pas mediat shkruajnë se ajo i ka dhënë djalit pasaportën dhe disa të holla për udhëtim. Adoleshenti sipas udhëzimeve të nënës së tij arriti në Treviso, ku iu dorëzua edhe policisë.
Gjatë rrugës shqiptari është parë nga kalimtarë të shumtë duke qarë dhe i lagur nga shirat që kishin rënë gjatë natës.
Historia prekëse u tregua nga agjentet e policisë të cilët kishin marrë në pyetje fëmijën shqiptar.