RIO 2016/ Majlinda Kelmendi “hakmerret” pas 4 vjetësh dhe kalon në gjysmëfinale

Kampionia e botës në xhudo, Majlinda Kelmendi i afrohet medaljes së artë në Lojërat Olimpike të Rio 2016.
Kosovarja mundi në çerekfinale Christianne Legentil duke u kualifikuar në gjysmëfinale. Legentil e kishte eliminuar më parë Kelmendin në Olimpiadën e Londrës në 2012.
Në gjysmëfinalen e Lojërave Olimpik Majlinda Kelmendi do të përballet me xhudisten japoneze Misato Nakamura, e cila eliminoi në çerekfinale xhudisten ruse Natalia Kuziutina.