Aksidenti që ndodhi sot në Velipojë ka pasë shkak mungesën e sinjalistikës, thotë policia në një njoftim të saj në mesditën e së martës.
Ne foto, vendi ku ka rene makina
Njoftimi i policisë:
“Në vijim të veprimeve hetimore për aksidentin e ndodhur në orët e para të mengjesit ku humbën jetën 4 person ju bëjmë me dije se në vendin e quajtur Hidrovori në Plazhin Velipojë, ka ndodhur edhe 1 aksident tjetër identik si aksidenti në fjalë në datën 1 maj 2016 me pasojë humbjen e jetës se një person.
Nga veprimet hetimore të kryera deri tani rezulton se ky segment rrugor ku ka ndodhur aksidenti, është në ndërtim e sipër dhe në pjesën ku ka dalë mjeti nga rruga, përfundon asfalti, dhe pastaj fillon dhe një kthesë prej 90 grade përgjatë kolektorit të Hidrovorit ku në këtë pjesë rruga është e pashtruar dhe kjo kthesë është e mbushur me materiale inerte, domethënë edhe terreni është i paqëndrueshëm.
Nga këqyrja e vendit te ngjarjes rezulton gjithashtu se ky segment rrugor nuk është i pajisur me sinjalistikën e nevojshme rrugore, i pandriçuar, i paasfaltuar dhe i pambrojtur për pjesën më të rrezikshme të kthesës për të njoftuar përdoruesit e rrugës për vijueshmërinë e këtij segmenti,
Nga këqyrja e mjetit me të cilin po udhëtonin viktimat e këtij aksidenti rezulton se gomat e pasme te mjetit ishin të tejkonsumuara ku dallohen dhe thellimet e batistradës të cilat ishin rrafshuar pothuajse deri në daljen e telave të gomave”, thuhet në deklaratën e Policisë së Shkodrës”.
Nga aksidenti humbën jetën katër persona:
1. Besmir Kola, 39 vjeç, banues në Kodermarlekaj, Lezhë, (i cili ka qenë drejtuesi i mjetit).
2. Artenisa Peraj, 21 vjeçe, banuese në Lezhë.
3. Xhorxho Anxhelo, 23 vjeç, (shtetas Italian).
Dhe një shtetas ende i pa identifikuar i moshë rreth 25 – 26 vjeç.
.
