Prej ditësh tashmë Kocco Kokëdhima përmesgazetës Shekulli ka rrëfyer prapaskenat e mardhënies me Ramën dhe problematikat e saj.Ja çfarë shkruan ”Te Sheshi” sot lidhur me hakmarrjen që kryeministri Rama po mendon.
Edi Rama ka thirrur kryesinë e Partisë Socialiste në mesin e gushtit dhe pritet që të ndodhin ndryshime radikale tek forca politike në pushtet.
Burime pranë mazhorancës bëjnë të ditur se brenda muajit është urdhëruar të ndryshohet totalisht kupola e krerëve të PS-së në 61 bashkitë e vendit, të cilët duhet të krijojnë menjëherë 51 shtabe elektorale, të cilët duhet të përgatisin një material mbi mundësinë dhe situatën paraelektorale në territoret që ata administrojnë.
Ndërkaq, sot pritet një mbledhje e grupit parlamentar të PS-së, i cili do të vendosë krijimin e grupeve të shpërndarjes në bazë.
Do të shpërbëhet struktura e ngritur më parë që pati si strumbullar emërimin e Koço Kokëdhimës si “komisar” të Jugut dhe do të ngrihen grupe pune për çdo bashki.
Ndërkaq, mësohet se do të ndryshojë thuajse totalisht shpërndarja e deputetëve në 12 qarqe, të cilat do të flasin para kohe për listat e ardhshme të deputetëve.
Siç mësohet, vetëm Gramoz Ruçi nuk lëviz nga Fieri dhe Saimir Tahiri nga Tirana. Të gjithë të tjerët do të ndryshojnë vendndodhje, ndërkohë që Edi Rama do të kërkojë rinovimin e më shumë se çerekut të listës së deputetëve me prurje nga shoqëria civile.
Pritet që të thirren edhe emra të njohur por që prej vitesh jetojnë jashtë shtetit.
Megjithatë, të gjitha këto i përkasin zgjedhjes së ardhshme,.
Mbledhja e thirrur me urgjencë ka të bëjë edhe me një rikapitulim të votave në parlament nëse ndodh ajo që po përflitet çdo ditë: largimi i LSI-së dhe provokimi i një krize qeveritare.
Mësohet se Rama u ka thënë deputetëve socialistë se mandati i marrë më 23 qershor do të çohet deri në fund dhe vetëm atëherë do të kërkohet eksplorimi i aleancave.
Rama është shprehur i sigurtë se nuk do të ndodhë përmbysja. “Votat janë, ne të bëjmë punën tonë është shprehur ai”. /tesheshi
