Foto Ilustruese
Një burrë 43-vjeçar ka depozituar një kallëzim penal në Policinë e Tiranës, ndaj një personit, të cilin e akuzon se i ka shfrytëzuar bashkëshorten për prostitucion.
Burime zyrtare nga Policia e Tiranës bënë me dije se A. N.,banues në Tiranë, denoncon se G. L., 44 vjeç, i shfrytëzon bashkëshorten F. N., 34 vjeçe, për prostitucion.
“Më datë 30. 07. 2016, u referuan materialet në Prokurorinë e Rrethit Gjyqësor Tiranë, për shtetasin G. L., 44 vjeç, banues në Tiranë, pasi, shtetasi A. N., 43 vjeç, banues në Tiranë, kallëzon se i shfrytëzon për prostitucion bashkëshorten F. N., 34 vjeç, banuese në Tiranë. Neni 114/a/4 i Kodit Penal”, thuhet në njoftimin zyrtar të Policisë së Tiranës.
Ndërkohë, nga burimet mësohet se 43-vjeçari është shprehur para hetuesve se ngjarjen e ka mësuar nga bashkëshortja e tij 34-vjeçare. Kjo mësohet të ketë thënë se G. L., e ka shfrytëzuar për prostitucion për një periudhë të konsiderueshme kohore, pa dëshirën e saj.
Sipas rrëfimit të gruas, 44-vjeçari përdorte kërcënimet e tij për të bindur 34-vjeçaren që të prostituonte, madje edhe mos t’i tregonte askujt për atë çfarë ai bënte.
