Pas replikave ditën e djeshme me ministren e Ekonimis Milva Ekonomi deputetja e PD e ka quajtur reagimin e kësaj të fundit si militanteskë. Ajo ka përmendur një në një faktorët që tregojnë shumë për gjendjen aktuale të ekonomisë në vend dhe se sfare kriteresh duan investitoret per te ardhur ne vendin tone. “Investimet e huaja kërkojnë angazhim serioz që të vijnë në Shqipëri. Ashtu sic shprehet në raportin e investitorëve Gjermanë e Amerikanë, ata kërkojnë taksa të ulëta, kërkojnë procedura të shpejta dhe jo ndryshime të shpeshta ligjore. Kjo qeveri në vetëm 3 vite ka rritur taksat, ka ndryshuar mbi 40 herë ligjet fiskale e ka larguar cdo investitor të mundshëm nga Shqipëria për në vendet e rajonit. Kjo është arsyeja se pse IHD kanë rënë me 42% në tremujorin e parë të 2016 në krahasim me tremujorin e parë të 2015. Këta faktorë më erdhën në mendje dje mbasi lexova reagimin militantesk të Ministrisë së Ekonomisë”, është shprehur Tabaku.
Më tej ajo disa informacion për kompaninë e cila ka filluar negociart me qeverinë për të marrë projektin në Karpen: “Ajo që kërkova dje dhe vazhdoj të kërkoj edhe sot është vetëm një gjë: Cilët janë investitorët që duan të marrin 1700 Ha tokë publike dhe private? Pse kompania u shit në Singapor vetëm dy ditë përpara se të kalonte në Kuvend ligji? Pse bëhet pazar me pronat e 220 pronarëve në këtë zonë?
Nga një kërkim i thjeshtë në internet del ky informacion mbi kompaninë kryesore që do të fillojë negociatat me Ministrinë:
1. Kompania Britanike Star Bridge Port Limited siç është theksuar në deklaratë është krijuar në vitin 2011. Sipas të dhënave të marra nga “Companies House” (që është qendra e informacionit për kompanitë e regjistruara në Mbretërinë e Bashkuar), rezulton se kompania Britanike së cilës bëhet fjalë t’i jepet Karpeni ka dorëzuar nga viti 2013 deri në vitin 2016 Bilancin e tipit “kompani e fjetur”, pra një llogari që nuk ka pasur asnjë aktivitet tërheqje apo depozitimi në 3 vitet e fundit. (https://beta.companieshouse.
2. Nga ana tjetër, kompania që ka blerë (sipas të dhënave të marra nga Companies House) kompaninë Star Bridge Port Limited, është një kompani me seli në Singapor e cila nuk mundet t’i gjendet asnjë adresë interneti për punët që ajo ka kryer. Një blerje e tillë ngre pikëpyetje jo vetëm mbi kompaninë Star Bridge Port Limited por edhe mbi raportet e saj me kompani serioze. A mundet vallë që një kompani serioze të shitet tek një kompani fantazëm që ekziston vetëm me një kuti postare në Singapor?! A mundet që një kompani serioze që ka shpenzuar miliona euro, të mos ketë projekte të saktësuara në faqen e saj të internetit?! (http://starbridgeltd.com/
3. Gjithashtu nga një hulumtim mbi strukturën e kompanisë Britanike e cila pretendohet të jetë serioze në fushën e ndërtimit, si ka mundësi që nga gjithë faqet Britanike rezulton se struktura e kompanisë në fjalë është tejet e varfër për një kompani që do të shpenzojë 5 miliardë euro, pra sa 1/5 e shumës së TAP?! (https://companycheck.co.uk/…/
Partia Demokratike mbështet e përshëndet cdo investitor të huaj që vendos të investojë në Shqipëri, sot në opozitë e nesër në qeverisje. Ashtu sic vlerëson TAP që sot është i vetmi burim për rritjen në ekonomi, por dhënia e 1700 hektorë tokë kompanive që kanë vetëm një adresë postare nuk është normale për vende në Afrikë e jo më për një vend që aspiron të jetë nesër në Europë!
