Zyra e Prokurorit në Paris ka njoftuar mbrëmë se ka paraqitur akuza për terrorizëm kundër 5 bashkëpunëtorëve të sulmit me kamion në Nice, ku mes tyre është edhe çifti shqiptar, Artan H. dhe bashkëshortja e tij Enkelejda H., e cila ka edhe nënshtetësi franceze.
Prokurori Francois Molins, tha se shoferi i kamionit, Mohamed Lahouaiej Baouhlel, e kishte përgatitur këtë sulm së bashku me bashkëpunëtorët e tij, disa muaj më parë. Mbi të akuzuarit rëndojnë akuzat për vrasje dhe për posedim të armatimit të ndërlidhur me ndërmarrje terroriste.
Ndërkohë që për mbikëqyrjen e këtij hetimi janë angazhuar më se 400 hetues.
