Kamëz, sulmohet me thikë, vdes në spital 34-vjeçari

Një person i cili është sulmuar me thikë mbrëmjen e djeshme ka vdekur në spitalin e Traumave.
Ngjarja ka ndodhur rreth orës 22:05, të mbrëmjes së kaluar në rrugën “Parisi”, në Kamëz. Pas një konflikti për motive të dobëta është goditur dhe plagosur me thikë në bark shtetasin O. K., 34 vjeç, i cili u dërgua menjëherë në Spitalin Qendror Universitar të Traumave. Por me gjithë përpjekjet e mjekëve në orët e para të mëngjesit të ditës së sotme ka ndërruar jetë.
Grupi hetimor në vendin e ngjarjes ka identifikuar autorin e dyshuar të kësaj ngjarje  shtetasin A. D., 55 vjeç, banues në Kukës.
Vijon puna për kapjen e tij.