Një banor i Peqinit është dënuar me gjobë prej 80 mijë lekësh pasi kërcënoi dhe shqetësoi në telefon deputetin socialist të zonës, Alfred Peza duke i kërkuar këtij të fundit me një ngulmim të cuditshëm të shkonte në Peqin.
Faksimile e vendimit te gjykates
Një numër mesazhesh të nisura nga Roland Uruci, fermer 45 vjec e kanë detyruar deputetin të drejtohej në gjykatë për të hequr qafe pasionantin e madh që i shkruante nga qyteza ku ishte zgjedhur deputet.
Uruci u dënuar për akuzën per Kryerjen e vepres penale te “Përdorimi me keqdashje i thirrjeve telefonike”.
Gjykata, bazuar në kërkesën e të pandehurit per gjykim te shkurtuar, si dhe pasi degjoi edhe mendimin e prokurorit, i cili u shpreh per pranimin e kesaj kerkese, vendosi të pranojë kërkesën e të pandehurit.
Deputeti Alfred Peza, ka kallëzuar në organin e policisë se është shqetësuar disa here gjatë muajve janar, shkurt e mars në numrin e tij të telefonit celular nga një shtetas i paidentifikuar, i cili përdor numrin e telefonit 0693505004.
Nga ky numër telefoni ai i dërgon thirrje dhe sms të shumta me përmbajtje të ndryshme.
Konkretisht, disa prej sms-ve kanë këtë përmbajtje:
”Kemi ftuar Ben Blushin të bëj një libër për të bërat e tua në Peqin’,
“Qëkur arrite në Peqin dhe u zhduke pa lënë gjurmë”,
“Po mir Prenga është përjashtuar nga PS po ti pse të përjashtuan nga Peqini”.
“ Të vuri Dash Sula drunë perse nuk vjen në Peqin” .
Dashin po e shohim çdo javë po ti ku humbe, të ka dale emir te të humburit”.
Nga veprimet hetimore dhe informacioni i ardhur nga kompania Vodafon ka rezultuar se autor i kesaj vepre penale është i pandehuri Roland Ramazan Uruçi, lindur e banues në fshatin Përparim, njesia administrative Peqin.
I pyetur i pandehuri në procesverbalin e datës 08.03.2016 nga oficeri i policisë gjyqësore si dhe më pas si i pandehur ka pranuar faktin duke dhënë deklarime të hollësishme.
