Deputeti demokrat Oerd Bylykbashi ka komentuar deklaratën e kryeministrit Rama, i cili kundërshtoi dje kompromisin e PD për reformën në drejtësi.
Sipas Bylykbashit, kryeministri Rama pranon formulën e “vendeve të rezervuara”.
Deputeti demokrat, vë re më tej se për Ramën më shumë rëndësi kanë batutat e tij folklorike, të cilat e kënaqin se për reformën në drejtësi “as qe e ka idenë se për çfarë flet”.
Për Bylykbashin Rama është si ish udhëheqësi sovjetik Brezhnjevi, i cili thoshte: “Ajo që është e imja është e imja, ajo që është e jotja mund ta negociojmë”.
Reagimi i plotë i Oerd Bylykbashit në “Facebook”
Kryeministri dje kishte sajuar batutën e re folklorike për reformën ne drejtësi. Sipas tij PD kishte lëvizur nga formula e “vendeve te rezervuara” tek formula e “vendeve te blinduara”. Ve bast qe i ka pëlqyer shume gjetja, por as qe e ka idenë se për çfarë flet.
PD propozon qe 12 komisionarët e vetingut te zgjidhen 6 nga mazhoranca dhe 6 nga opozita mes profesionistesh, ndërsa formula e “Votës se Vetme te Trafikueshme” qe ngul këmbë Kryeministri, bën qe kryeministri te marre me siguri matematikore 8 komisionere qe do shkarkojnë gjyqtarët dhe t’i mbaje për 9 vjet. Pas kësaj këta komisionerë ikin ne shteëpi, pra do te punojnë vetëm një herë dhe vetëm për Ramën.
Pra Kryeministri eshte shume dakord me PD; duhet formula e vendeve te rezervuara. Por ama, si mund te jete ai baraz me PD?! Kurre! Kryeministrit i duhet nje divan me 8 “vende te rezervuara” qe te shtrihet sa gjate gjere dhe te mbaje edhe telekomanden siper barkut qe ta komandoje drejtesine sipas qejfit, pa u ngritur nga divani. Tamam si pasha, vetem nargjileja i mungon.
Si e thoshte Brezhnjevi? Ajo qe eshte e imja eshte e imja, ajo qe eshte e jotja mund ta negociojme. Pra 6 vendet e rezervuara te Kryeministrit nuk diskutohen, por hajde te negociojme ato te opozites dhe mos t’i leme 6 por vetem 4. Madje edhe 4 shume jane por hajt, s’po e teprojme! Keshtu po qe eshte reforme euroatlantike!
Rezervojini Kryeministrit divanin me 8 vende dhe kompromisi u krye! Se mos thoni qe kur kryeministri kontrollon shumicen e komisionereve te vetingut politizohet gjyqesori, ore?! Rreziku vjen vetem dhe vetem nga 4 vendet e opozites dhe kete mediat e Kryeministrit t’ia ngulin mire ne koke shqiptareve dhe te huajve!
Kompromis ka, por duhen profesioniste per ta kuptuar :))
