Mjeti i cili u gjet sot i hedhur në liqenin e Shkopetit mund të jetë përdorur për ndonjë krim. Burime të Ora News bëjnë të ditur se makina mund të jetë hedhur qëllimisht në liqen.
Kjo pistë u përforcua, pasi polumbarët konstatuan se nuk është gjetur asnjë person në makinën e hedhur në liqenin e Shkopetit.
Më herët Policia e Dibrës sqaroi se mjeti i dyshuar ka rënë në liqen me targa AA 969 ND, është në pronësi të shtetasit M.P nga Karbunara Lushnjë, dhe targat janë denoncuar të vjedhura në janar 2016.
Policia e Dibrës shpjegon se vetëm targat janë të vjedhura, por jo automjeti. Në vendngjarje kanë mbërritur polumbarët e Reneas, të cilët po përpiqen të gjejnë persona të mundshëm që mund të kenë qenë brenda në mjet në castin e aksidentit./oranews/
