Gëzimi i maturantëve të shkollës së mesme “Havzi Nela” në Kukës nuk ka qenë i plotë. Bashkë me festën për mbylljen e shkollës, maturantët kanë kujtuar shoqen e tyre, që humbi jetën e mbytur në liqen vetëm pak ditë më parë.
Në faqen e shkollës në FB, maturantët kanë postuar disa foto ku shprehin dhimbjen e madhe për mungesën e shoqes së tyre dhe mesazhe se ajo është bashkë me ta.
Ngjarja ndodhi më datën 23 qershor, ku vajza 17 vjeçare, E.A, banuese në qytetin e Kukësit, në shoqërinë e shoqes së saj shkoi në bregun e liqenit, por nuk u kthye më. Ditën e ngjarjes u tha se vajzës i kishte rrëshqitur këmba dhe u mbyt në ujërat e liqenit.
