Deri mbrëmë, natën vonë, askush nuk dinte gjë se çunat e kombëtares do të priteshin sot edhe nga kryebashkiaku i Tiranës Erion Veliaj…, si rrallë ndonjëherë, edhe nga zonja e tij. Sot, në një axhentë tjetër, ku veç orareve të ndryshuara, u mësua se çunat e kombëtares do të kishin mundësinë e madhe të jetës së tyre, të priteshin edhe nga Eri dhe Ajola.
Kështu ndodhi, thjesht për ca plane filmike e fotografi, Erion Veliaj ju dhuroi një çelës të gjithë çunave të kombëtares… dhe ata ikën…
Pyetja që lind pas kësaj, pse Erion Veliaj duhej ti priste çunat e kombëtares…?!
Natyrisht jo për hatër të të vetmit tiranas në kombëtare, Agollit. Se më këtë logjikë, për hatër të dy kavajasve, Cikalleshit dhe Lilës, kryebashkiaku Elvis Rroshi do tu duhej tu dhuronte, jo një por dy çelësa të Kavajës çunave të kombëtares…
Vazhdojmë me një formulim paksa ndryshe të së njëjtës pyetje…
Mos vallë Erion Veliaj i priti çunat e kombëtares me qenë se Riansi ndodhej më pranë Tiranës…?!
Gabim…!
Rinasi gjeografikisht ndodhet në njësinë bashkiake të Krujës… Që do të thotë, se jo Erion Veliaj, por as Edi Rama e Lindita Nikolla nuk duhet ti dilnin përpara aeroplanit të çunave të kombëtares para kryebashkiakut të Krujës, Artur Bushi. Por ai nuk ishte ftuar në këtë pritje… Çuditërisht, axhenta nuk ka planifikuar as ndonjë çelës-dhënie të mundshëm nga Artur Bushi për çunat e kombëtares…
Po pse këtë fat e pati vetëm Erion Veliaj…?!
E ç’rëndësi ka kjo…!
Duhej të dilte edhe ai KOT përkrah ekipit kombëtar, jo thjesht dhe vetëm si pjesë e lojtarit të 12, tifozëve…, por thjesht sa për të dalë…!
Artur Bego
