Flet gjyshi i fëmijës së dhunuar në kopsht: Askush nuk po kujtohet për nipin dhe familjen e tij

Gjyshi i fëmijës së dhunuar nga Anjeza Shabani, administratorja e kopshti të denoncuar, ka ndërhyrë nërpmjet telefonit në studion e emisionit “Opinion” në TV “Klan”.
Pashk Aliaj theksoi se fëmija është një tip i zgjuar, por në lidhje me fëmijën shteti duhej të ndërmerrte një nismë ku me kohë të ishte realizuar një terapi.
“Por asnjë nuk po pyet më se çfarë traume ka pësuar kjo familje, askush nuk po pyet se çfarë hallesh ka kjo familje duke pasur parasysh edhe traumën që ka kaluar. I ati ka disa vite që është pushuar nga puna dhe askush nuk merret me të, ka ardhur puna që ka shkuar për të punuar në ndërtim për të zgjidhur sadopak hallet e tija, por pas kësaj traume kush do të hedhë sytë ndaj kësaj familje. Askush nuk po interesohet as për fëmijën e dhunuar ku shteti duhej të bënte diçka, por as për prindërit e tij, që kanë kaluar jo pak nga kjo gjendje”, deklaroi Pashk Aliaj.