Publikohet edhe teza B e provimit të matematikës. Pas tezës së parë, në rrjetet sociale po qarkullon dhe teza e dytë.
Vlen të theksohet fakti se maturantët janë akoma në provim, ndërsa nuk ka siguri për vërtetësinë e tezës së bërë publike.
Burime nga Ministria e Arsimit dyshohet se testi i matematikës për Maturën Shtetërore është nxjerrë nga mësues të shkollave të Librazhdit.
Mbrëmë vonë u publikua varianti A i provimit. Ministria e Arsimit mohoi vërtetësinë e kësaj teze, duke deklaruar se ata që e dinë tezën janë të izoluar dhe kutitë kanë mbërritur me polici pa asnjë dëmtim.
