Këshilli i Lartë i Drejtësisë kërkon nga Prokuroria të hetojë ministrin e Brendshëm Saimir Tahiri për “Kanosje Gjyqtari” sipas nenit 317 të kodit penal. Është ky nen në të cilin KLD ka ndërtuar padinë e depozituar 3 ditë më parë në Prokurorinë e Përgjithshme.
Burime pranë KLD bëjnë të ditur se padia është depozituar për akuzën e kanosjes, referuar deklaratave publike të ministrit Tahiri për gjyqtarin Arjan Aliaj.
KODI PENAL I REPUBLIKËS SË SHQIPËRISË
Miratuar me ligjin nr. 7895, datë 27.1.1995
(i përditësuar)
Neni 317
Kanosja e gjyqtarit
Kanosja që i bëhet gjyqtarit apo anëtarëve të trupit gjykues, prokurorit, avokatit ose çdo arbitri të caktuar për një çështje për shkak të veprimtarisë së tyre, dënohet me gjobë ose me burgim gjer në tre vjet.
