Edi Rama “i lutet” opozitës për reformën në drejtësi

Një kthesë të fortë ka bërë sot kryeministri Edi Rama, ndërsa është shprehur “i hapur” për të ftuar opozitën, për të kontribuar në reformën në drejtësi.
Ftesën Rama e bëri në emër të “ndarjes së suksesit”, për marrjen e ftesës së integrimit në BE.
“Është shumë e rëndësishme ta bëjmë së bashku reformën në drejtësi. Jemi gati të negociojmë një zgjidhje të arsyeshme që ti japim Shqipërisë një reformë të merituar”, u shpreh Rama sot në Kuvend.
Ndërkohë, dy net më parë, nga studio e “Top Story”, Edi Rama nuk i njihet asnjë meritë opozitës për fazën në të cilën ka ardhur reforma në drejtësi.
Kjo ftesë e Ramës erdhi pasi Konferenca e Kryetarëve ka refuzuar sot futjen në kalendarin 3-javor të diskutimit dhe miratimit të reformës në drejtësi.