Një burrë, i cili duhet të njoftojë policinë 24 orë përpara se të bëjë seks, thotë se kjo gjë i ka shkatërruar jetën.
Britaniku, rreth të 40-ave, u lirua nga akuzat për përdhunim, por gjykata vendosi një kusht të rëndë ndaj tij. Ai duhet të tregojë në polici nëse ka planifikuar të kryejë seks ose përndryshe rrezikon pesë vjet burg. Urdhrat për rrezikun seksual u prezantuan një vit më parë në Angli dhe mund të aplikohen kur policia mendon se dikush përbën rrezik për dëme seksuale.
Kjo vlen edhe nëse ata nuk janë dënuar kurrë për një krim. Këto janë urdhra civilë të imponuar nga gjykata me urdhër të policisë. “Kisha më shumë liri kur isha në burg. Tani jam i shokuar. Nuk e kuptoj se si funksionon kështu ky sistem drejtësie”.
Ai thotë se nuk ka perspektivë për ndonjë lidhje për momentin. “E imagjinon dot, 24 orë përpara seksit? Hajde pra. Tak, tak, kjo është policia, ju jeni në rrezik seksual… më pas ato ikin”.
Në urdhrin e gjykatës thuhet se ai duhet të zbulojë çdo detaj të gruas me të cilën do bëjë seks, përfshi emrin, adresën, ditëlindjen, etj, 24 orë përpara aktit seksual.
Juria kishte dëgjuar prova nga një mjek për të shkuarën e tij seksuale dhe disa fantazi të pazakonta. Ai thotë se mjeku i kishte keqkuptuar gjërat.
“Falë Zotit në atë kohë doli filmi “50 Hijet e Grejit” dhe avokati im i normalizoi pak gjërat”.
