Bashkëshortët Dritan Mali dhe Jerina Kumaraku
Mediat italiane po i kushtojnë shumë rëndësi historisë së shqiptarit Dritan Mali, vrarë të premten në mesditë me thikë, dyshohet nga kunati i tij në banesën që jetonin bashkë.
Laert Kumaraku është arrestuar, teksa nuk e ka pranuar përgjegjësinë e vrasjes. Ndërsa për zbardhjen e vrasjes, kyçe do të jenë hetimet shkencore dhe një autopsi në trupin e shqiptarit, e planifikuar për sot.
Por është gjithashtu thelbësore për hetimet edhe dëshmia e gruas së viktimës, njëkohësisht motra e të autorit të dyshuar. Jerina Kumaraku, është i vetmi person i pranishëm në momentin e krimit. Ajo thuhet se ka dhënë deklarata kontradiktore në polici dhe prokurori, së bashku me vëllanë, sa i takon thikës, armës së krimit.
Hetuesit duan të përcaktojnë trajektoren e thikës dhe të gjejnë se të kujt janë gjurmët e lëna në dorezë.
Përfundimet e hetimeve do të japin informacion të rëndësishëm mbi dinamikën e mosmarrëveshjes që thuhet se kishte çifti bashkëshortor.
Laert Kumaraku
