“Shëndetësia falas” por nuk ka as urë, lumi rrezikon të rrëmbejë autoambulancën me mjek e të sëmurë

Një autoambulancë e cila po transportonte një të sëmurë është bllokuar për disa orë nga ujërat e lumit Kardhiq në Gjirokastër.
Në mungesë të urës, autoambulanca është detyruar të kalojë lumin, por tejfryrja e tij prej reshjeve të dendura të shiut ka bërë që mjeti ta ketë të pamundur të kalojë atë.
Për disa orë, i sëmuri, mjeku dhe shoferi i autoambulancës kanë qenë të bllokuar në mes të lumit.
Është dashur ndërhyrja e forcave të PMNZSH për të shpëtuar personelin.
Lumi Kardhiq ka dalë nga shtrati si pasojë e reshjeve të shumta të shiut.