Rama akuzohet për Roshin, Balilin e Frrokun…, por ai përgjigjet për reformën në drejtësi

Kryeministri Edi Rama nuk i ka dhënë asnjë përgjigje akuzave për lidhjet e tij me Elvis Roshin, Klement Balilin, Arben Frrokun …, etj.
Duke marrë fjalën në Kuvend, “kryetogfjalësh” të replikës së tij ai kishte “reformën në drejtësi”.
“A do e votoni dhe kur do e votoni reformën në drejtësi?”, pyeti Rama.
Duke folur më pas për rëndësinë e kësaj reforme, Rama ju kthye edhe protestës së Erion veliajt para gjykatës Administrative të Apelit, duke e mbështetur atë.
Foli më pas edhe për Libofshën e kumbullat e kuqe të rrugës së Kavajës, por nuk guxoi të thoshte asnjë fjalë për Elvis Roshin, Klement Balilin, Arben Frrokun …, etj.
Këtë gjë e evidentoi edhe deputetja Jozefina Topalli, e cila i kujtoi se nuk foli asnjë fjalë për kërcënimin e Ben Blushit, por foli për reformën duke e bërë qesharake këtë proces.