Një ditë pas publikimit të video-skandalit seksual të kreut të Bashkisë së Peshkopisë Shukri Xhelili, sot Kryeministri Edi Rama pritet që të firmosë shkarkimin e tij. Burime për Ora News, bënë me dije se shkarkimi do të bëhet me një vendim qarkullues të Këshillit të Ministrave.
Reagimi vjen ndërkohë që mbrëmjen e sotme u publikua një video-skandal ku kryebashkiaku i kërkon favore seksuale një vajze 20 vjeçare me qëllim për t’i rritur rrogën. Videoja u publikua në emisionin “Të Paekspozuarit” të gazetarit Ylli Rakipit sot ne Ora News.
Por kush është Shukri Xhelili, i njohur tashmë dhe si Don Zhuani i Dibrës:
Xhelili është diplomuar në Universitetin e Tiranes në Fakultetin e Ekonomisë dhe ka titullin Ekonomist per Industrinë.
Nga shtatori 1985 deri në shtator 1987 ka punuar ne ofiçinën mekanike në Peshkopi dhe më pas u bë Kryetar i Degës Furnizim-Shpërndarje.
Në Shtator 1987 – Korrik 1991 u emërua Kryetar i Degës Planit Frigoriferi Peshkopi.
Gusht 1991 – Korrik 1992 Drejtor i Frigoriferi Peshkopi.
Tetor 1993 – Shtator 1996 Specialist Agjensia Kombetare e Privatizimit Dega Diber.
1996 deri Nentor 2013 Biznes privat.
Nëntor 2013- Qershor 2015 Drejtor Sigurimeve shoqerore Diber.
Në CV-në e tij thuhet se ka njohuri shumë të mira te Paketës Office, Internetit si dhe një pjesë të mirë të programeve më të përdorshme të momentit.
