DEKRIMINALIZIMI/ Asnjë formular vetëdeklarimi nuk është dorëzuar në Prokurori për verifikim

Asnjë formular i vetëdeklarimit nga zyrtare dhe punonjës të administratës, nuk është dorëzuar në prokurori për verifikim.
Edhe pse kanë kaluar 5 ditë nga hyrja në fuqi, asnjë titullar institucioni nuk ka dërguar në prokurori ndonjë formular për të verifikuar, nga grupi I prokurorëve i ngritur enkas për këtë detyrë. Zyrtarisht, thuhet se prokuroria nuk ka marr ndonjë kërkesë nga institucionet përkatëse për të verifikuar gjendjen gjyqësore të zyrtarëve të lartë apo punonjësve të administratë raporton ABC News.
Burimet thonë se me datë 4 maj, të gjithë zyrtarët dhe punonjësit e administratës duhet t’i dorëzonin formularët pranë titullarëve të institucionit. Pas dorëzimit të këtyre formularëve, mbetët në dëshirën e titullarit të institucionit për të dërguar formularin e vetëdeklarimit të ndonjërit prej punonjësve të tij prokurorisë. Me urdhër të kryeprokurorit, është ngritur grupi që kryen këto verifikime dhe drejtohet nga dy prokurorët Madrid Kullolli dhe Alfred Progonati si dhe tre hetuesve të prokurorisë. Ky grup, sipas prokurorisë, ka të drejtën e verifikimit të emrave konkretë për të kaluarën kriminale të subjekteve të ndryshëm, në rrugë zyrtare në institucionet ligj-zbatuese shqiptare, si polici, prokurori dhe gjykata, ku mund të kërkoi ndihmë edhe nga Shërbimi Informative Shtetërore, zyra qendrore e Interpolit apo institucioneve të tjera ligj-zbatuese në vendet e ndryshme me anë të letër-porosisë.
Mësohet se vet prokurorët I kanë dorëzuar formularët e vetëdeklarimit në Prokurori të Përgjithshme e cila I ka dërguar në Presidencë, ndërsa gjyqtarët pranë Këshillit të Lartë të Drejtësisë, e deputetët pranë Komisionit Qendror Zgjedhor.
Në formularin e vetëdeklarimit, çdo i zgjedhur apo emëruar në funksione publike duhet të plotësoi të dhënat personale dhe më pas t’i përgjigjet pyetjeve të renditura në këtë formular, ku mes tyre edhe nëse subjekti i plotësimit të këtij formulari ka qenë i dënuar ndonjëherë brenda dhe jashtë territorit shqiptar.