Elbasan, gjendet trupi i peshkatarit që ra në Shkumbin, policia apelon për identifikimin e tij

Policia e Elbasanit ka bërë të ditur se ka gjetur trupin e një personi që është mbi 60 vjeç, thinjosh,  i  bardhë 1.75 cm i gjatë, trup mesatar,  mbante të veshur një xhup sintetik të zi, një pulovër të zezë,  pantallona të zeza prej teritali, çizme ngjyrë ushtarake. Sipas policisë, trupi i përket peshkatarit që aksidentalisht ra nga ura e Lumit të Shkumbinit.
Grupi hetimor ndodhet në vendngjarje dhe po punon për identifikimin e personit.
Drejtoria Vendore Policisë Elbasan, kërkon bashkëpunimin e qytetarëve me qëllim identifikimin e tij sa   më shpejtë.
Çdo qytetar që e njeh të na kontaktojë në numrin e tel 0694115061, apelon policia e Elbasanit.